Obxectivos

Os obxectivos son aquelas metas que debemos acadar para poder responder á nosa pregunta de investigación. Orientan o desenvolvemento da investigación para evitar que nos perdamos nun ‘mar de coñecementos’.

A súa formulación comeza cun verbo en infinitivo de acción.

Debe expresarse unha única acción en cada obxectivo.

Preguntas:

– Qué se desexa conseguir?

– En canto tempo? Cando?

– En qué ámbito ou entorno?

– En qué grao ou cantidade?

Unha acción é unha performatividade (física, de palabra, de presenza...) que procura un obxectivo específico. Do mesmo xeito que na vida cotiá estamos constantemente performando na interacción social, tamén en escena o facemos.

UNHA ACCIÓN DEBE SER:

1. Físicamente posible de realizar

2. Divertida (para o actor)

3. Concreta

4. Poder contrastarse (obter unha reacción) con outras persoas

5. Non ser errática

6. Non presupoñer ningún estado físico ou emocional

7. Non ser manipulativa

8. Ter un límite

9. Ir na mesma dirección que o guión

...

Físicamente posible de realizar: Na investigación teórica non podemos obter información de primeira man sobre a ópera chinesa. Pero si podemos establecer unha comparativa entre a ópera chinesa e a ópera occidental. Do mesmo xeito, non podemos obter información de primeira man sobre o que implicaba vivir en Francia no século XVII (non existe o túnel do tempo), pero si que podemos comparar os figuróns de Moliere cos nosos contemporáneos, por exemplo.

Divertida (para o actor). Ou para o investigador teórico. Ten que ser algo que realmente nos apeteza facer, senón convértese nunha tortura.

Concreta. Unha acción clara e concreta, un obxectivo concreto convidan á acción. 

Clima e Teatro de Rúa. A adversidade climática como factor non determinante na programación de espectáculos ao aire libre.

(de Lola Correa)

Obxectivo xeral:

Analizar climaticamente os distintos festivais de rúa do Estado español para contemplar a posibilidade dun festival de rúa en Galicia.

Obxectivos específicos:

1. Elaborar unha gráfica relacional entre clima e desenvolvemento doutros festivales dentro do ámbito ibérico.

2. Desenvolver un estudo da evolución de ditos festivais ao longo do tempo, baixo a influencia -de existir- do factor climático.

3. Identificar outros factores que inflúen na existencia de festivales de teatro de rúa (culturais, económicos, etc.)

4. Establecer as conclusións que nos permitan prever as condicións que determinen un futuro e posible festival.