CONTACONTOS
NENOS/ADULTOS
– CANTAR DE CEGO
CONTACONTOS
inicio
Contada para nenos:
O título xenérico da contada é "contos da lúa", porque varios dos contos teñen
relación coa Lúa. O repertorio das contadas é variable, pero habitualmente a
contada para infantil consiste en: dous contos con bonecos, dous ou tres contos
con participación dos nenos e dous ou tres contos narrados.
Contada para adultos:
Hai conto popular, un romance medieval contado con títeres, algúns milagres do
Camiño de Santiago e outras historias e fabulacións. Inclúo tamén un conto de
Lugrís –"A Nogueira"- a xeito de pequeño homenaxe con motivo das letras galegas.
Curriculum contacontos:
Algunhas actuacións salientables como contacontos: Na TVG no programa "Apaga a
lus", na "Universidade de Santiago" no marco dos cursos de español como lingua
extranxeira (Anos 1998, 1999, 2000, 2001, 2002 e 2003), na "Universidade de
Varsovia" e na de "Cracovia" (Polonia. Ano 2002), na "Universidade de Braga"
(Portugal. Ano 2003), na "Radio Galega" e nas campañas de Animación á lectura da
Consellería de Cultura.
O meu xeito de contar é moi visual, e se alimenta principalmente de fontes
literarias. Nos meus contos sempre procuro que haxa maxia e poesía, e nunca
falta un elemento de comicidade sutil.
Duración:
A duración das contadas é de 45 minutos.
*CONTACTO*
Correo electronico: santiprego@santiprego.com
Mobil: 609 320 907
CANTAR DE CEGO
Santi Prego – María Xosé López
Presentan
"O crime da Rabadeira e outros contos, sucesos e romances"
O espectáculo é un cantar de cego-contacontos-actuación
musical que comprende diversas formas de teatro popular, como contacontos,
monicreques, cantares de cego, romances antigos e diversas formas tamén de
música popular.
SINOPSE
Unha cega e o home que lle fai de guía chegan á praza da vila. O home monta o
cartel e a cega toca a zanfona, e comeza o relato do espeluznante crime da vila
de El Rabiño. A continuación seguirá o relato de milagres famosos acontecidos no
Camiño de Santiago, cantarán romances antigos como o de Don Gaiferos ou o de
Dona Eusenda, que vai representado con monicreques, tocarán pezas populares coa
gaita e a pandeireta, e acabarán cantando e contando o romance do espantoso
crime da Rabadeira.
DURACIÓN: A duración do espectáculo é dunha hora. Pódese fragmentar en pases de
vinte minutos.
CURRICULUM: Santi Prego – María Xosé López
SANTI PREGO
É socio fundador das compañías Ollomol-teatro submarino e Ollomoltranvía, e
traballou en tódalas suas montaxes, dende Moleques ou Commedia ata, máis
recientemente, Policía. Formouse primeiramente no teatro afeccionado e asistiu
con posterioridade a cursos de interpretación con Ernesto Caballero, Paco Pino,
Philippe Gaulier, Antonio Fava, Erik de Bont, Fabio Mangolini, entre outros.
Traballou como actor nun total de vintesete montaxes na sua propria compañía e
noutras como o Centro Dramático Galego ou Produccións do Noroeste, e como
director nas compañías Bucanero e Buratini.
Traballou na televisión en diversas programas e series como Superamigos, Pratos
Combinados, A Familia Pita, Apaga a lus, Galicia Express, Mareas Vivas, Terras
de Miranda, Entre Bateas, Compañeros e Hospital Central.
Participou como actor nas longametraxes Martes de Carnaval de P. Carvajal e F.
Bauluz, Baile de Animas de Pedro Carvajal, A metade da vida de Raul Veiga, Sé
quien eres de Patricia Ferreira, Lena de Gonzalo Tapia, El lápiz del Carpintero
de Antón Reixa, El Alquimista Impaciente de Patricia Ferreira e Ilegal de
Ignacio Vilar. E nas cortametraxes Manoel Antonio de J.A.Jiménez, Décimo
Aniversario de Alber Ponte e El río tiene manos de Beatriz del Monte. Por esta
última recibiu dous premios ó millor actor nos festivais de cortametraxes de
Alcala de Henares e de Zaragoza (Ano 2001).
MARIA XOSE LOPEZ
María Xosé López comeza a tocar a gaita con 13 anos. No ano 1985 entra na
Universidade Popular de Vigo para aprender construción de gaitas, dedicándose
profesionalmente a esta actividade dende o ano 1988 até o 2001.
No ano 1986 comeza a interesarse pola zanfona, tendo feito varios cursiños con
mestres como Claude Flagel (Bélxica), René Zosso (Suíza) e Laurent Tixier
(Francia). A súa vida musical desenvolveuse durante moitos anos no seo do grupo
MUXICAS, entra a formar parte deste proxecto no ano 1987 e nel exerce como
gaiteira, zanfonista e cantora, saíndo do grupo no ano 1997.
Paralelamente a Muxicas desenvolvera outras iniciativas como Seitura, Gaiteiros
Fozóns e os comezos de Anamoura, trío de zanfona, guitarra e percusións co que
gravaría un disco que explora as posibilidades dos instrumentos implicados, e
que estará activo ata o ano 2002.
Nese ano funda co portugués Eduardo Monteiro o grupo Cor de Roda, no que se
exploran a música galega e a música portuguesa aportando as dúas zanfonas dos
dous músicos.
Dende o ano 98 até a actualidade participa todos os anos nos concertos para
escolares, levados a cabo pola asociación Gaiteiros da Xistra, coa que colabora
habitualmente.
No ano 2001 participa como cantora, zanfonista, gaiteira e sobre todo, produtora
artística no disco do grupo Na
Virada, proxecto articulado arredor das composicións de Xico de Cariño e
dedicado ao público infantil , mais dende unha perspectiva fresca e diferente.
Na actualidade están preparando o seu segundo disco.
No 2002 comeza a súa colaboración co grupo Xistra de Coruxo, co que participa en
proxectos sobre todo vinculados á tradición galego-portuguesa.
No 2003 participa co actor Santi Prego nun espectáculo de contacontos con música
sobre o Camiño de Santiago,
espectáculo que levaron pola xeografía galega e por Polonia.
DISCOGRAFÍA
1988- O Demo Fungón - MUXICAS
1990 – Desafinaturum – MUXICAS
1992 – Escoitando medra-la herba – MUXICAS
1996 – No colo do vento – MUXICAS
1999 – A Chave do cerne – ANAMOURA
2002 – Rolada das Cantigas – NA VIRADA