perspectivas para o ano 2011

Estarei gravando a serie de TVG “Libro de Familia” ata o mes de febreiro de 2012. O meu personaxe (Pepe) empezará a saír no capítulo 273, que se emitirá o 15 de xaneiro de 2012 (día do meu cumpreanos!). É un personaxe da trama cómica moi divertido e tenro, que permanecerá en todos os capítulos ata a fin da presente temporada.
Poderedes velo por internet en www.crtvg.es/tvg/a-carta/libro-de-familia-cap-273.
Remataremos de gravar no mes de febreiro, e a partir dese momento estou dispoñible para televisión, teatro, cine, cursos, ou calquera outro mester que dispoñades, xa que traballarei en varios proxectos* que xestiono eu mesmo, polo que dispoño libremente do meu tempo.

* Qué proxectos? Pois crear un espectáculo do que non podo dicir nada, porque como sabedes trae mala sorte, e tamén: rematar a tese de doutoramento, profundizar na didáctica de “Teorías do espectáculo” materia que imparto na ESAD de Galicia (agás este curso, que estou de permiso sen soldo, xustamente para traballar na serie, e nos outros proxectos), realizar un traballo de investigación por encarga do Consello da Cultura Galega, ademais de varias funcións de contacontos.